* Disse Kamer gifft dat blot bi ’n Anreis mit ’n Baby of ’n lüttjen Kind.

De Ferienwohnung „Rood Baron“ is ’n Reihenendhus in en moijen Reihenhussiedlung ut de 20-er Johr’n. De Ferienwohnung is as ’n Ferienhus utbaut. Dat heet, dat dor ’n eegen Ingang is. De Wohnung geiht over 80 m² un hett twee Stockwarken. Wohnen un Slaapen sünd vananner trennt. So können Se alltied all Kamers bruken. Unnern sünd Windfang, Flur, de 20 m² grode Stuuv mit Internet-Togang un de grode Wohnköken mit ’n Hook, wor man eeten kann. Over de Trappen geiht dat in dat tweede Stockwark. Hier is dat Bad, en Slaapkamer mit ’n Dübbelbedd, van wor ut man to de Kamer för dat Baby of lüttje Kind* kummt, un noch ’n Slaapkamer mit twee Bedden. All Kamers sünd modern un moij inricht un hebben Atmosphäär to wohnen.

Familijen sünd van Harten willkommen. De „Rood Baron“ is kind- und babygerecht inricht. För uns lüttje Gasten hebben wi en Kinnerbeddje, ’n Kommod’ to wickeln, en Badwann’ för Babys, Hoogstohlen un passend’ Gesteck. De Steckdösen sünd all kinnersekert. An de boven Enn’ van de Trappen is ’n Kinnersekergitter. Over dat Babyphon können Se alltied hören, wenn Hör Kind brullt. Dat Roken is in dat heele Hus verboden – ok wegen de Lüttjen. Ok Husdeeren sünd ut disse Grund nich tolaten.

Wenn Se noch mehr weeten will’n, mutten Se up de Sieden Kamers, Utstafferen und Updelen kieken.

© Copyright 2006-2011 Hanna Hagemann