Stück of wat Minüten na Westen is dat St.-Joseph-Krankenhus mit de moderne un bekennte Klinik för Kinner. Dor achter is de Bahnhof Berlin Südkrüz, de tweetgroodste Bahnhof van Berlin.
Van dort ut kummt man in tein Minüten to de Potsdamer Platz un de Brandenbörger Tor.

De Manfred-van-Richthofen-Straat fangt bi de Platz van de Luftbrügg’ vör de Flugplatz Tempelhof an, wor dat Denkmal van de Versörgung van de Stadt ut de Luft unner de Blockade 1948/49 steiht. Hier is ok de U-Bahn-Station mit de glieke Nam van de Bahnlinie 6, de dwars dör de Binnenstadt van Noord na Süd geiht. Bit to de U-Bahn-Station „Stadtmitte“ (Friedrichstraat/Gendarmenmarkt) sünd dat bloot veer Stationen.
An de Anfang van de Manfred-van-Richthofen-Straat sünd völ Geschäfte, Cafes un Restaurants. In Noorden van de Platz van de Luftbrügg’ is Kreuzberg mit de Viktoriapark. Sien Wahrteiken is dat Nationaldenkmal an dat boven Enn’ van de Hang; van dor kann man heel moij over de heele Stadt kieken. Wat wieder in Noorden is de bekennte Bergmannstraat. Hier sünd besünners völ Cafes, Restaurants, lüttje Ladens mit Trödel un Antiquitäten – dat is de „multikulturelle Flair“ van Kreuzberg. Up halv Höchte liggt een van de ledsde Berliner Markthallen, de Marheinekehall’.

© Copyright 2006-2011 Hanna Hagemann